-A A +A

Сайтимизнинг оҳирги янгиликларидан ҳабардор бўл!

Ҳуқуқий ахборот (2019 йил, 3 сон)

01.02.2019

Ҳуқуқшунос бўлишни истаганлар ­учун сиртқи бўлим очилади

Давлат дастурига мувофиқ 2019 йил 1 апрелга қадар олий юридик таълим муассасаларида сиртқи бўлимларга талабаларни қабул қилиш ва мақсадли тайёрлаш тизимини жорий этиш назарда тутилган. Сиртқи бўлимларга суд ва ҳуқуқни муҳофаза қилувчи органларда ­узоқ муддат давомида (5 йил ва ундан ортиқ) бенуқсон фаолият кўрсатиб келаётган, ўрта ва ўрта-махсус маълумотли ёки бошқа мутахассислик бўйича олий маълумотга эга ходимлар кейинчалик мазкур органда камида 5 йил ишлаб бериш шарти билан имтиёзли равишда шартнома асосида қабул қилинади. Бу бўйича Президент қарори лойиҳаси ­ишлаб чиқилади. 

 

“Хуфёна иқтисодиёт” бўйича ­ишонч те­лефонлари ташкил қилинади

Давлат дастурига асосан “Хуфёна иқтисодиёт” салмоғини иқтисодий усулларни ишлатган ҳолда қисқартириш режалаштирилмоқда.

2019 йил 1 июнга қадар ишлаб чиқиладиган тегишли қонун ҳужжатида нақд пулсиз ҳисоб-китобни рағбатлантириш механизмини ишлаб чиқиш, шу жумладан, жисмоний шахслар ўртасида кўчмас мулк объектлари ва автотранспорт воситалари олди-сотдиси бўйича ҳисоб-китобларни банк орқали амалга ошириш тизимини ривожлантириш, “Хуфёна иқти­содиёт” бўйича ишонч телефонларини ташкил қилиш ва мазкур соҳада тасдиқланган хабарни берган шахсларни рағбатлантириш ҳамда бошқа шу каби механизмлар назарда тутилади.

 

“Huquqiy axborot” телеграм канали

материалларидан фойдаланилди.